Се очекува да падне првиот СНЕГ денеска во Македонија.
Нашиот метеролог Славчо Попоски секојдневно дава свои метео прогнози, кои во поголем дел се точни.
Па според она што тој денеска го објави на својата фејсбук страна, до крајот на денот можеме да го очекуваме и првиот снег во Македонија за сезонава и тоа на Шар Планина.
Инаку, според извештајот на УХМР времето денеска ќе биде променливо облачно, од пладне и попладне со повремени локални врнежи од дожд.
Ќе дува умeрен, наместа долж Повардарието повремено засилен ветер од северен правец.
Минималната температура ќе биде во интервал од 3 до 12, а максималната ќе достигне од 14 до 21 степен.
Во Скопје променливо облачно со сончеви периоди. Ќе дува умерен, повремено засилен ветер од северен правец.
Минималната температура ќе се спушти до 6, а максималната ќе достигне до 18 степени.
Во следните денови утрата ќе бидат студени со ниски утрински температури, а до петок дневните ќе бидат под просекот за овој период од годината и ќе преовладува променливо облачно време.
Во деновите од викендот времето ќе биде претежно сончево со постепен пораст на дневната температура.