Нов силен земјотрес ја погоди Турција
Претходниот силен земјотрес ја погоди земјата во понеделникот.
Нов силен земјотрес денеска околу 16 часот и 30 минути го погоди источниот дел на Турција, соопшти Европско-медитеранскиот сеизмолошки центар.
Земјотресот бил со јачина од 5,1 степени според Рихтеровата скала, а се уште нема информации за потенцијални штети.
Епицентарот на земјотресот бил на 63 километри од Малатја.
Да потсетиме, во понеделникот Турција ја погодија разорни земјотреси со јачина од 7,8 и 7,9 степени според Рихтеровата скала, а животот го загубија повеќе од 33.000 луѓе.
Спасувачите се уште деноноќно трагаат по преживеани под урнатините.